點解叫十下十下
「十下十下」嘅意思，就係我哋拍片支持大家，同時都希望大家可以 subscribe 我哋個 channel，一齊支持本土創意文化。
我哋相信，香港人就好似打邊爐咁，日日都可以揀自己鍾意嘅嘢食，有講有笑，開開心心咁過日子。
「十下十下」希望大家喺睇我哋影片嘅時候，可以暫時放低返工、返學嘅壓力，一邊大啖大啖食，一邊笑住放鬆，真係爽！
我哋最開心嘅時候，就係大家食完晚飯，拉埋屋企人、朋友坐埋一齊，開心 share 同笑住睇我哋嘅片。咁樣，我哋嘅創作就算有意義喇。
如果你覺得片好睇，記得叫埋另一半同你一齊 「Give Me Ten」 支持吓我哋，我哋一定會永遠多謝你！
點解搞十下十下
一個人「十下十下」咁過日子，不如一班人一齊「十下十下」咁拍片。
我哋三個號稱全港最無所事事嘅廢青，無資源、無技術，錢又少，但就用最多嘅時間，最多嘅膽量，去踱橋諗野，拍片搞創作。
講真，我哋都想買樓，但人哋話要儲一百年前先俾到首期。咁咪即係話，我哋會由廢青變廢中，再變廢老？！
所以未來拍片，好大機會會有硬銷、軟銷甚至植入廣告，幫補一下。希望有朝一日，夠錢買返一格磚，算係夢想達成！
點解要睇十下十下
無人叫你睇，但你唔睇，就一定係我哋嘅損失。
可能你朋友唔多，又可能因為我哋無錢宣傳，令你未識得我哋，真係唔好意思。雖然我哋成日都「十下十下」，但係撞下板，先可以撞出未來。
我哋相信，夢想唔係發夢，係要行動！行出第一步，先有第二步，夢想就會實現。今日「十下十下」得我哋三個，但我哋相信，香港人係最有善心、最團結嘅民族。我哋愛香港，亦希望香港祝福我哋。我哋一定會落足心機，製作更多高汁影片，令大家開心笑一笑。睇到呢度，就唔好客氣啦，快啲轉移玉步，去片！
十下十下創辦人
某年某月某日，三個廢青喺火鍋店十下十下，傾起想拍片。雖然自知唔叻、唔靚、唔醒目，仲乜資源都無，但最重要係——仲有團火！
所以三個廢青決定開個台，娛己娛人，用僅餘嘅青春燃燒。
有人話香港搞創作，永遠都係「得乞食」。乞食唔緊要，最緊要係乞到你哋嘅掌聲同 Like。
我哋要嘅嘢好簡單——希望你哋支持我哋，見證我哋成長，祝福我哋拍片成功，咁就夠啦。
花膠
我哋只係三個普通年輕人，起步乜都無，得三股衝勁同心口一個「勇」字。但有決心、有熱誠，就算面對再多挫折打擊，只要仲有一個觀眾想睇，我哋都會堅持拍落去，為夢想戰到底！
姚柱
作為一個普通大學生，我唔甘心生活咁無趣平淡。我想揾返存在價值。雖然前路迷茫，但起碼我知道：呢刻我想拍片！初衷就係希望帶到更多歡笑俾大家。安迪華荷講過：「人人都可以成名 15 分鐘。」如果我哋唔踏出第一步，就乜都做唔到。我希望「十下十下」可以拍出屬於我哋嘅 15 分鐘。
Gas Lo
香港人生活壓力大，但無論點大，香港人嘅意志唔會被磨蝕。
我希望用心中嘅一團火，拍片創作，帶正能量，為香港人打氣。
希望憑我哋嘅力量，感染到身邊每一位香港人 —— 香港加油！💪🏻
十下十下一直希望可以同唔同機構、YouTuber、演員、導演、學校組織，甚至慈善團體合作。我哋想嘗試唔同類型嘅創作，睇下會唔會擦出新嘅火花。
我哋明白自己人手有限，所以更加希望可以借助各方力量，尋求多元合作，大家一齊玩、一齊創造。
大學KOL推廣
出post宣傳
影片拍攝
大專大學活動
後期製作
大專大學贊助